Бахшида ба 25- умин солгарди ҷашни Ваҳдати миллӣ дар шаҳри Кӯлоб бо дастгирии Мақомоти иҷроияи ҳокимияти давлатии шаҳри Кӯлоб ва бо ҷалби соҳибкорони ватанӣ як қатор иншоотҳои иҷтимоӣ ва хизматрасонӣ мавриди баҳрабардорӣ қарор дода шуд.
Бо иштироки раиси шаҳр ва муовини раиси вилояти Хатлон Файзуллозода Заробуддин дар хиёбони Исмоили Сомонии шаҳри Кӯлоб, нуқтаи ултрасадо ва ташхисию табобатии амрози занона, аз ҷониби соҳибкор Анварбӣ Қонунова ба истифода дода шуд.
Тибқи маълумотҳои дастрасгардида сохмони нуқтаи мазкур аз ҳисоби манзили истиқоматии соҳибкор ва қисмати пеши он аз масолеҳи сабуки васлшаванда дар муддати кутоҳ ба истифода дода шуда, айни замон дар он 4 нафар бо ҷойи кори доимӣ таъмин гардиданд.
Дар иншооти мазкур таҷҳизотҳои муосир насб карда шуда, инчунин табибони собиқадор ба кор ҷалб карда шуданд.
Инчунин, дар ҷамоати деҳоти Кӯлоб, деҳаи Обшорон аз ҷониби фармоишгар ҶДММ “Махсус” коргоҳи сангу шағал ба истифода дода шуд. Дар коргоҳи мазкур таҷҳизотҳои эронӣ истифода гардида, 8 нафар бо ҷойи кор таъмин гардиданд.
Ҳамчунин, дар Ҷамоати деҳоти Зиракӣ, деҳаи Бахтобод низ коргоҳи сангу шағал, бо ҷалби соҳибкор Исохонов Каримхон, мавриди истифода қарор дода шуд, ки дар он 8 нафар ба ҷойи кор таъмин шуданд.
Дар Ҷамоати деҳоти Зарбдор бошад бинои ошхонаи №1-и хоҷагии “Хатлон”-и шаҳри Кӯлоб бо маблағгузории Ҳукумати Ҷумҳурии Тоҷикистон бунёд гардида, фармоишгари он Маркази ҳамоҳангсозии лоиҳаҳо оид ба таҷдид ва рушди иншооти инфраструктураи иҷтимоӣ мебошад.
Иттилоъ дода шуд, ки дар иншооти мазкур сохтмончиёни маҳаллӣ ҷалб гардида, корҳои сохтмонӣ дар сатҳи зарурӣ иҷро гардидааст. Дар ошхонаи мазкур имкон фароҳам шудааст, ки дар як баст 85 нафар қабул кунад.
Қобили зикр аст, ки дар идомаи корҳои ободониву бунёдкорӣ бо иштироки муовини раиси шаҳри Кӯлоб Орзу Ҳамидиён ва намояндагон аз Федератсияи Россия дар хиёбони Исмоили Сомонии шаҳри Кӯлоб маркази ташхисию тиббии “Гемотест”, мавриди баҳрабардорӣ қарор дода шуд. Маркази мазкур аз ҷониби “Гемотест-Тоҷикистон” дар ҳамкорӣ бо “Гемотест- Россия” ба таври замонавӣ бунёд гардида, дар он таҷҳизотҳои муосир насб карда шудааст. Бояд гуфт, ки дар марказ 3 нафар бо ҷойи кори доимӣ ва маоши хуб таъмин гардиданд.
Дар доираи тадбирҳои созандагиву бунёдкорӣ дар маҳаллаи Борбад низ Маркази ташхисию тиббии “Гемотест- Тоҷикистон” дар ҳамкорӣ бо “Гемотест- Россия” бо тарҳи муосиру замонавӣ бунёд гардида, 3 нафар ба ҷойи кори доимӣ таъмин шуд.
Дар пайи хамингуна амалу ташаббусхои созандаи Асосгузори сулҳу ваҳдати миллӣ, Пешвои миллат, Президенти Ҷмуҳурии Тоҷикистон муҳтарам Эмомалӣ Раҳмон соҳибкорони шаҳри Кӯлоб ният доранд, ки ба ифтихори ҷашни бузурги миллӣ 35 солагии Истиқлолияти давлатии Ҷумҳурии Тоҷикистон марҳила ба марҳила иншоотҳои гуногунро сохта, мавриди истифода қарор диҳанд.
Бахши матбуотии МИҲД-и шаҳри Кӯлоб
Боиси тазаккур аст, ҳамасола дар кишвари биҳиштосоямон Тоҷикистон ҷашни Ваҳдати миллӣ бо тантана таҷлил карда мешавад.
Бо ин мақсад санаи 27 июни соли равон ин ҷашни фархундаро дар шаҳри Кӯлоб бо шукӯҳу шаҳомат истиқбол намуданд.
Дар ин чорабинии бошукӯҳ раиси шаҳри Кӯлоб Назарзода Бахтиёр Худоёр, кормандони мақомоти ҳифзи ҳуқуқ, зиёиён, собиқадорони ҷангу меҳнат ва дигар ашхоси касбу кори гуногун иштирок доштанд.
Нахуст, Роҳбарияти мақомоти иҷроияи ҳокимияти давлатии шаҳри Кӯлоб суханронӣ намуда, тамоми сокинони шаҳри Кӯлобро ба фарорасии 25 солагии Рӯзи Ваҳдати миллӣ тарику муборакбод намуд.
Қайд намуд, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин масъала дахл ва таъкид намуданд, ки “Рӯзи Ваҳдати миллӣ дар таърихи навини давлатдории мо дастоварди бузург ва муқаддас мебошад. Зеро ин санаи муқаддас ҳамчун намунаи иттиҳоду ягонагии миллат заминаи бунёдии вусъат ёфтани корҳои ободонии Ватани азизмон- Тоҷикистонро фароҳам овардааст”.
Дар идомаи чорабинӣ, Раҳмонзода Шарифхон, раиси суди шаҳри Кӯлоб, Шоири Халқии Тоҷикистон Ҳақназар Ғойиб, Шоираи Ваҳдатсаро Хосият Вализода, собиқадори меҳнат Абдуҷаббор Зардиев, Директори Телевизиони Кӯлоб Бозорзода Сафаралӣ суханронӣ намуда,Вахдатро — бехтарин неъмат, хаёти инсон, орзуву армон, тахкими давлат, начоти миллат, рушди точикон, нумӯи даврон, хастии инсон арзёбӣ намуданд.
Сипас, як қатор собиқадорони меҳнат барои саҳми арзанда гузоштан дар таҳкими ваҳдати миллӣ, суботи сиёсӣ, созандагиву ободонӣ, ва тағби арзишҳои олии ватандӯстӣ бо Сипоснома ва туҳфаҳои хотиравии мақомоти иҷроияи ҳокимияти давлатии шаҳри Кӯлоб қадрдонӣ карда шуданд.
Дар охири чорабинии бошукуҳ бахши фарҳанги мақомоти иҷроияи ҳокимияти давлатии шаҳри Кӯлоб ва ҳунармандони гуруҳи “Ғарибшо-кампания” барои болидарӯҳии иштирокчиён барномаи омоданамудаи хешро пешниҳод намуданд.
Бахши матбуотии МИҲД-и шаҳри Кӯлоб
Ҳамдиёрони азиз!
Имрӯзи Ваҳдати миллии мардуми Тоҷикистон 25- сола шуд. Ба ин муносиб Шумо ва мардуми ғаюри сарбаланди шаҳру деҳоти Кӯлобро самимона табрик гуфта, бароятон саломатӣ, саодати рӯзгор ва сулҳу ваҳдати абадӣ орзумандам.
Ҳар як халқу миллат дар таърихи худ руйдодҳое дорад, ки онҳоро дар солномаҳояш ба хатҳои заррин сабт намудааст. Албатта, мардуми тоҷик ҳам аз ҳумраи онҳо буда, санаҳои муқаддаси худро соҳиб аст. Дар миёни мардуми мо Рӯзи Ваҳдати миллӣ махсусан иди бузург маҳсуб меёбад ва ҳоло 25-умин солгарди онро таҷлил карда истодаем.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин масъала дахл ва таъкид намуданд, ки “Рӯзи Ваҳдати миллӣ дар таърихи навини давлатдории мо дастоварди бузург ва муқаддас мебошад. Зеро ин санаи муқаддас ҳамчун намунаи иттиҳоду ягонагии миллат заминаи бунёдии вусъат ёфтани корҳои ободонии Ватани азизмон- Тоҷикистонро фароҳам овардааст”.
Барои насли калонсол, ки худ солҳои мудҳиши ҷанги шаҳрвандиро пушти сар кардааст ва оқибатҳои хунини даҳшатбори онро бо чашмонаш дидааст, ҷиҳати ташвиқу тарғиби сулҳу субот ягон эҳтиёҷот нест. Вале баҳри насли ҷавону ояндасози Тоҷикистон, ки аз нақли падару бародар ё дигар сарчашмаҳо аз ин ҷанги хонумонсӯз огаҳӣ ёфтанду меёбанд, дар хусуси таърихи начандон дури Ватан ҳарф задан, хизматҳои бузурги Президенти кишвар муҳтарам Эмомалӣ Раҳмонро ёдрас шудан, фикр мекунам зарурияти замон аст.
Ҳамин тариқ ҷанги таҳмилии шаҳрвандии солҳои 90-уми қарни гузашта натанҳо пояҳои давлатдории кишварро хароб карда буд, балки агар пеши роҳи он гирифта намешуд, имкон дошт Тоҷикистонро пора-пора ва аз ҳама мудҳиштараш аз харитаи сиёсии ҷаҳон нест кунад. Яъсу ноумедӣ он қадар ҷомеаро фаро гирифта буд, ки аксарият ба фардои нек, боварӣ надоштанд. Ҳамин ҳолатро дида, шоири бедордили миллат Ашӯр Сафар бо ҳазор сӯзу гудоз гуфта буд:
Як бори дигар ханда ба лаб мешуда бошад,
Дар кишвари ғам базму тараб мешуда бошад.
Ба бахти мардуми тоҷик дар Иҷлосияи XVI-уми тақдирсози Шӯрои Олии Ҷумҳурии Тоҷикистон қудрати сиёсӣ ба дасти Эмомалӣ Раҳмон гузашт. Пешвои муаззами миллат аз лаҳзаҳои аввалини давлатдорӣ, ба даст оварданаи сулҳу суботро масъалаи марказии фаъолияти хеш қарор доданд ва барои расидан ба ин ҳадаф чӣ ҷонбозиҳо ва чӣ гузаштаҳое накардаанд. Билохира заҳматҳои шабонарӯзии Ҷаноби Олӣ самараи нек ба бор оварданд ва рӯзи 27 июни соли 1997 дар шаҳри Маскави Федератсияи Россия Созишномаи истиқрори сулҳ ва ризоияти миллӣ ба имзо расид. Аз ҳамон рӯзу сол ин санаи муқаддас ҳамчун рӯзи Ваҳдати миллӣ ҷашн гирифта мешавад. Бинобарин бо дили пур мегӯем, ки, , Президенти кишваар муҳтарам Эмомалӣ Раҳмон, Асосгузори сулҳу ваҳдати миллӣ дар Тоҷикистон мебошанд ва маҳз бо туфайли ин абармарди дунёи сиёсат инак 25 сол аст, ки халқи тоҷик ва тоҷикистониён дар фазои сулҳу суботи комил умр ба сар бурда, ба корҳои ободонию созандагӣ машғул ҳастанд.
Барқарор шудани сулҳу субот имкон дод, ки ҳаёти осоишта ҷараён бигирад ва давлату ҳукумат таҳти сарварии фарзанди фарзонаи миллат муҳтарам Эмомалӣ Раҳмон нигоҳи худро пурра ба ҳалли масъалаҳи дохилӣ равона намуда, роҳҳои минбаъдаи тараққиёту такмили мамлакат кушода шавад. Мардум дар ҳамбастагии зич бо Роҳбарияти Олиии мамлакат ба корҳои ободонию созандагӣ сафабар гардида, дар як муддати кутоҳ қуллаҳои баланди муродро фатҳ намояд. Барномаҳои хеле калони рушди соҳаҳои мухталифи иқтисодиёту иҷтимоиёт таҳияву тасдиқ ба тадриҷ амалӣ карда шаванд. Ҳазор корхонаҳои хурду миёна ва бузург, иншоотҳои муҳими инфрасохторӣ сохта мавриди баҳрабардорӣ қарор бигиранд.
Хулоса рушди ҳамаҷонибаи мамлакат таъмин гардад ва дараҷаи некуаҳволии мардум сол аз сол боло равад. Дастоварду муваффақиятҳо, он қадар зиёду бузурганд, ки агар онҳоро феҳрист кунанд, ҷилд-ҷилд китобҳо таълиф мешаванд.
Гуфтаҳои боло далели онанд, ки гарави ҳамагуна пешравиҳо сулҳу ваҳдат ва суботи сиёсӣ аст. Аз ин рӯ, вазифаи ҳар як фарди ин ҷомеа аст, ки ин неъматҳои бебаҳоро чун гавҳараки чашм эҳтиёт кунанд ва нагузорад, ки касе онҳоро халалдор намоянд. Ҳамчунон, ки шоир фармудааст:
Хуни дил хӯрдем то ваҳдат ба даст овардаем,
Аз шикастанӣ, дасти ваҳдатро нигаҳ дорад Худо.
Бори дигар 25 – умин солгарди иди Впҳдати миллиро ба ҳамагон табрику таҳниян гуфта, бароятон рӯзгори пурфайзи баракат ва сулҳу созгории абадӣ таманно дорам.
Иди Ваҳдати миллӣ муборак!
Санаи 24 июни соли 2022 дар толори мақомоти иҷроияи ҳокимияти давлатии шаҳри Кӯлоб, иҷлосияи сенздаҳуми Маҷлиси вакилони халқи шаҳри Кӯлоб даъвати шашум баргузор гардид.
Дар кори иҷлосия раиси шаҳри Кӯлоб Назарзода Бахтиёр Худоёр, муовини раиси вилояти Хатлон Файзуллозода Заробуддин, муовинон ва роҳбари дастгоҳи раиси шаҳри Кӯлоб, роҳбарони мақомотҳои ҳифзи ҳуқуқ, сардорони раёсатҳо, мудирони шуъбаву бахшҳои дастгоҳ ва мақомоти иҷроияи ҳокимияти давлатӣ, роҳбарони ташкилоту муассисаҳо, раисони ҷамоатҳои шаҳраку деҳот, масъулони муассисаҳои таълимию тиббии шаҳр, занони собиқадор, намояндагони васоити ахбори омма ва ҳамчунин вакилони Маҷлиси вакилони халқи шаҳри Кӯлоб иштирок доштанд.
Иҷлосияро раиси шаҳри Кӯлоб Назарзода Бахтиёр Худоёр ифтитоҳ намуда, рӯзномаи маҷлисро ба ҳозирин шинос намуд.
Аз рӯи масъалаи якум “Оид ба рафти иҷрои қарори раиси шаҳри Кӯлоб аз 2 апрели соли 2021, №271 “Дар бораи қарори раиси вилояти Хатлон аз 26 феврали соли 2021, №56 “Оид ба қарори Ҳукумати Ҷумҳурии Тоҷикистон аз 31 июли соли 2019, №373 «Дар бораи Барномаи рушди саноати хӯрокворӣ дар Ҷумҳурии Тоҷикистон барои солҳои 2020-2025» мудири бахши саноат, энергетика ва нақлиёту коммуникатсияи мақомоти иҷроияи ҳокимияти давлатии шаҳр Абдуразоқ Хуҷамқулов баромад намуд.
Дар идомаи кори иҷлосия муовини якуми раиси шаҳри Кӯлоб, вакил аз ҳавзаи интихоботии №9 Ташрифзода Мунаваршо Саттор, Қурбонзода Наргис, вакил аз ҳавзаи интихоботии №22 баромад намуданд.
Ҳамчунин аз рӯи масъалаи дуюми рӯзнома Неъматзода Рустам вакил аз ҳавазаи интихоботии №15, раиси Коммисияи доимии Маҷлиси вакилони халқи шаҳри Кӯлоб “Оид ба аграарӣ, экология ва шуғли аҳолӣ суханронӣ намуд.
Ҳамин тавр, аз рӯи масъалаи сеюм ахбороти вакилӣ, вакил аз ҳавзаи интихоботии №2 Мирзоалӣ Саидов шунида шуд.
Баъдан, вакилон аз рӯи масъалаи чорум, панҷум ва шашуми рӯзномаи ҷаласа Лоиҳаи «Барномаи мусоидат ба шуғли аҳолии шаҳри Кӯлоб барои солҳои 2023-2025», оид ба қарори Маҷлиси вакилони халқи шаҳри Кӯлоб аз 24 декабри соли 2021, №201 “Дар бораи буҷети маҳалии шаҳри Кӯлоб барои соли 2022 ҷиҳати ба ворид намудани тағйиротҳо, инчунин “Дар бораи буҷети иловагии шаҳри Кӯлоб барои семоҳаи дуюми соли 2022”- ро тасдиқ намуда, қарорҳои дахлдорро қабул гардид.
Дар идомаи кори иҷлосия роҳбарияти шаҳри Кӯлоб Назарзода Бахтиёр Худоёр изҳор доштанд, ки вазъи зудтағйирёбандаи ҷаҳони муосир боиси паст шудани сатҳи иқтисодиёти ҷаҳонӣ гардида, мувофиқи ояндабинии коршиносони Созмони Миллали Муттаҳид имсол ва соли оянда ба 220 млн. одам дар кишварҳои олам хатари гуруснагӣ таҳдид карда истодааст. Дар вохӯрие, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолони вилояти Хатлон доштанд, аз ин вазъият изҳори нигаронӣ карда, таъкид намуданд, ки бояд ҳар як корхона, ташкилот ва муассиса, бахусус оилаҳо ғами ояндаи худро хӯрда, барои на кам аз ду сол маводи ғизоиро захира намоянд.
Дар ин замина муовини раиси шаҳр Ҳамидиён Орзу, муроҷиатнома ҷиҳати дастуру супоришҳои Пешвои миллат муҳтарам Эмомалӣ Раҳмон ба ба ҳозирин расонид.
Бояд қайд намоем, ки дар идомаи кори ҷаласа лоиҳаи қарори раиси шаҳри Кӯлоб ҷиҳати номгузорӣ намудани муасисиаи таҳсилоти миёнаи умими ҳудуди деҳаи Гулистони ба номи Шомадзода Маҳмад дар ҷамоати деҳоти Зарбдор қабул гардид.
Сипас, дар иҷлосияи мазкур муовини раиси вилояти Хатлон Файзуллозода Заробуддин суханронӣ намуд.
Баъди масъалаҳои ҷорӣ ва кадрӣ, раиси Маҷлиси вакилони халқи шаҳри Кӯлоб Назарзода Бахтиёр Худоёр аз масъулин даъват ба амал овард, ки дар иҷрои вазифаҳои ба зиммадошта масъулиятшинос буда, баҳри беҳбудии рӯзгори мардум саъюу талоши бештар дошта бошанд.
Бахши матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
