Дар толори мақомоти иҷроияи ҳокимияти давлатии шаҳри Кӯлоб оид ба иҷрои дастуру супоришҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси вилояти Хатлон Давлаталӣ Саид, ҷамъбасти натиҷаҳои рушди иҷтимоию иқтисодии шаҳри Кӯлоб дар 5 моҳи соли 2025 ва омодагиҳо ҷиҳати арзанда ҷамъбаст намудани нимсолаи соли 2025 ҷамъомад баргузор гардид.
Нахуст масъулони соҳавӣ суханронӣ намуда, дарҷ намуданд, ки дар давраи сипаригардида аҳли заҳмати шаҳру деҳоти Кӯлоб натиҷаҳои рушди иҷтимоию иқтисодии шаҳрро бо нишондиҳандаҳои мусбат ҷамбаст намуда, баҳри дар амал татбиқ намудани дастуру супоришҳо ва самтҳои асосии Паёми Президенти Ҷумҳурии Тоҷикистон ба Маҷлиси Олии мамлакат саъю кушиш намуда истодаанд. Ҳамчунин дар чаласа ба масъулон, ҷиҳати бартараф намудани мушкилиҳо дар иншооти сохташаванда, вусъат бахшидан ба бунёди иншоотҳои ҷашнӣ, таъсиси ҷойҳои нави корӣ, дар ин замина ба кор ҷалб намудани сокинон ва беҳтар намудани сатҳи зиндагии аҳолии шаҳру дехоти Кӯлоб дастуру маслиҳатҳои муфид дода шуд.
Дар идомаи ҷамъомад раиси шаҳри Кӯлоб Назарзода Бахтиёр Худоёр, ҷиҳати иҷрои дастуру супоришҳои Мақомоти иҷроияи ҳокимияти давлатии вилояти Хатлон, иҷрои саривақтии нақшаи андоз, дуруст ба роҳ мондани фаъолияти мақомоти омор, рушди соҳаи саноат ва фароҳам овардани ҷойҳои нави корӣ, кишту истеҳсоли маҳсулоти кишоварзӣ, самаранок истифода бурдани ҳар як қитъа замин ва рӯёнидани ду-се ҳосил, корҳои ободонию созандагӣ, таъмири роҳҳои дохиливу байнишаҳрӣ, таъмини аҳолӣ бо оби нӯшокиву полезӣ, рушди соҳаи сайёҳӣ, ҷалби сармояи хориҷӣ, иваз намудани баннер ва лавҳаву навиштаҷотҳои шаҳр, ки яке аз воситахои муҳими таблиғкунандаи сиёсати созандаи давлату Ҳукумат мебошанд ба масъулон дастуру супоришҳои мушаххас доданд.
Дар фарҷом бо натиҷагирӣ аз нишондодҳои давраи ҳисоботӣ масъулонро ҷиҳати вусъат бахшидани корҳои ободониву созандагӣ ва шоиста истиқбол намудани ҷашни 35-солагии Истиқлоли давлатӣ муваззаф намуданд. Ҳамчунин дарҷ намуданд, ки дар партави сиёсати созандаву бунёдкоронаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамаи моро мебояд тамоми кӯшишу ғайратро ба харҷ дода, дар ободу зебо гардонидани диёри хеш саҳмгузор бошем.
Бахши бойгонӣ-матбуотии МИҲД-и шаҳри Кӯлоб
Дар боғи фарҳангӣ-фароғатии ба номи Мир Сайид Алӣ Ҳамадонии шаҳри Кӯлоб бо иштироки муовини раиси шаҳри Кӯлоб Даминзода Арафамо, роҳбарони ташкилоту муассисаҳо ва дигар фаъолони шаҳр Рӯзи байналмилалии ҳифзи кӯдакон ботантана таҷлил гардид.
Қабл аз оғози чорабинӣ иштирокдорон аз намоиши , дастовардҳои муассисаҳои томактабӣ ташкил гардида, маҳсули меҳнати дастии хонандагони макотиби шаҳр– ғолибон ва иштирокдорони озмунҳо ба намоиш гузошта шуд дидан намуданд.
Сипас, чорабинии тантанавӣ бо сухани ифтитоҳии муовини раиси шаҳр Даминзода Арафамо оғоз гардида ҳамагонро бо фарорасии Рӯзи байналмилалии ҳифзи кӯдакон самимона табрику муборакбод намуда, осмони софу беғубор, хотири ҷамъ, саломатӣ ва хушбахтӣ таманно намуд.
Қайд гардид, ки бо шарофати сиёсати оқилона ва заковати хирадмандонаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳифзу ҳимояи оила, кӯдак ва волидайн дар меҳвари давлатдории навини тоҷикон қарор дошта, рукни муҳими ҳаёти ҷамъиятӣ ба шумор меравад. Кӯдаконро хазинаи ояндабахши фардои зиндагӣ арзёбӣ намуда таъкид доштанд, ки кӯдакон бо истифода аз фазои орому осуда ва шароити хуби истироҳату таҳсил чун насли ояндасоз ба камол расида, Тоҷикистони азизамонро дар оянда низ чун кишвари соҳибтамаддун ва сарзамини сулҳу ормонҳои наҷиби инсонӣ муаррифӣ хоҳанд кард.
Дар идома ба як қатор роҳбарони муассисаҳои таҳсилоти томактабии шаҳри Кӯлоб барои саҳми арзанда гузоштан дар таълиму тарбияи насли наврас ва дар руҳияи ватандӯстиву хештаншиносӣ тарбия намудани кӯдакон Сипосномаи раиси шаҳри Кӯлоб дар вазъияти тантанавӣ тақдим карда шуд.
Баъдан, барои болидахотирии иштирокдорони чорабинӣ барномаи рангини фарҳангӣ аз ҷониби тарбиятгирандагони муассисаҳои томактабӣ манзур гардид.
Бояд гуфт, ки таҳти ғамхории доимӣ фаро гирифтани кўдакону наврасон, дар замири насли ҷавон парваридани ҳисси баланди миллӣ, эҳсоси худшиносию ватандўстӣ мавриди таваҷҷўҳи ҳамешагии давлату Ҳукумат қарор дорад.
Бахши бойгонӣ-матбуотии МИҲД- шаҳри Кӯлоб
Дар шаҳри Кӯлоб бахшида ба Иди Саиди Қурбон дар оромгоҳҳи №2 ва Хоҷағоиби шаҳри Кӯлоб шанбегӣ баргузор гардид. Дар шанбегии мазкур кормандони оромгоҳ ва корхонаҳои коммуналии шаҳр сарҷамъонаву якдилона ба ҳашар баромада, оромгоҳҳорро тозаву озода намуданд.
Сарҷамъӣ ва иштироки мардум дар ҳашари мазкур давоми иқдомҳои созандаи Ҳукумати Ҷумҳурии Тоҷикистон ва дастгирии сиёсати хирадмандонаи Асосгузори сулҳу ваҳдати миллӣ-Пешвои миллат мӯҳтарам Эмомалӣ Раҳмон ва раиси вилояти Хатлон Давлаталӣ Саид аст.
Бо боварӣ гуфта метавонем, ки мардуми масъулиятшинос ва меҳнатқарини шаҳри Кӯлоб дар корҳои ободониву тозагӣ ҳаргиз худро бетараф намегузоранд.
Ҳадаф аз гузаронидани ин чорабинӣ арҷ гузоштан ба гузаштагон ва пос доштани хотироти онҳо мебошад.
Бахши бойгонӣ-матбуотии МИҲД-и шаҳри Кӯлоб
Раҳоӣ аз бунбасти коммуникатсионӣ аз ҷумлаи чор ҳадафи стратегии Ҳукумати Ҷумҳурии Тоҷикистон маҳсуб меёбад, ки дар давоми солҳои соҳибистиқлолӣ дар ин самт тадбирҳои муассир амалӣ гардида истодаанд. Дар ин доира бо маблағгузории Ҳукумати Ҷумҳурии Тоҷикистон ва ҷалби сармоя роҳу пул ва нақбҳо бунёду навсозӣ карда шуда, ҳаракати бемамонияти нақлиёт дар чор фасли сол таъмин карда шуд.
Дар доираи ҳидоятҳои созандаву бунёдкоронаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, бо дастгириҳои бевоситаи Вазири нақлиёти Ҷумҳурии Тоҷикистон, роҳбари гуруҳи кории ҷумҳуриявӣ дар шаҳри Кӯлоб муҳтарам Азим Иброҳим ва раиси вилояти Хатлон Давлаталӣ Саид таъмиру навсозии роҳҳо имрӯзҳо дар шаҳру ноҳияҳои минтақаи Кӯлоби вилояти Хатлон чун дигар шаҳру ноҳияҳо бомаром идома доранд. Дар ин росто ҷиҳати истиқболи шоиста аз 35-солагии ҷашни Истиқлоли давлатӣ дар деҳаи Маҳмадалӣ Ғаффори Ҷамоати деҳоти Зиракии шаҳри Кӯлоб мумфаршкунии роҳи аҳамияти ҷумҳуриявӣ дошта ба нақша гирифта шудааст.
Тибқи маълумоти сардори Муассисаи давлатии нигоҳдории роҳҳои автомобилгарди шаҳри Кӯлоб Амирхон Файзов роҳи мумфаршгардида масофаи 1300 метрро ташкил медиҳад. Роҳи мазкур, ки дар шоҳроҳи Кӯлоб-Ховалинг-Балҷувон қарор дорад, аз тарафи Вазорати нақлиёти Ҷумҳурии Тоҷикистон бо маблағи 550 ҳазор сомонӣ асфалтпӯш карда мешавад.
Ҳоло бо ҷалби мутахассисони роҳсоз кор бо суръати баланд идома дошта, ният доранд, ки дар муҳлати муайянгардида корро бо сифати баланд ба анҷом расонанд.
Бахши бойгонӣ-матбуотии МИҲД-и шаҳри Кӯлоб
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
