dv id="«r30p»" " " ">"
Давлат ва Ҳукумати Ҷумҳурии Тоҷикистон ҳамеша барои солимии ҷомеа, инчунин пешгирии интиқол ва пайдоиши бемориҳои сироятӣ тадбирҳои зарурӣ меандешад.
Ин навбат дар доираи дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид бо дастгирии мақомоти иҷроияи ҳокимияти давлатии шаҳри Кӯлоб ба хотири паҳн нагардидани бемориҳои сироятӣ маъракаи поккорӣ гузаронида шуд.
Ин тадбирҳо аз ҷониби сохтори марбутаи мақомоти иҷроияи ҳокимияти давлатии шаҳр, аз ҷумла корхонаи фаръии давлатии истеҳсолии истифодабарии манзил бо мақсади пешгирӣ аз бемориҳои сироятӣ ва таъмини солимии шаҳрвандон роҳандозӣ гардида, нахуст он дар ҷойҳои ҷамъшавии шаҳрвандон, кӯчаву хиёбон ва хонаҳои баландошёна гузаронида шуданд.
Бояд гуфт, ки корҳои поккорӣ дар маҳаллаҳои шаҳри Кӯлоб мунтазам амалӣ карда мешавад. Безараргардонии навбатӣ бо маводҳои гипохлориди натрий сурат гирифт, ки он барангезандаи бемориҳои сироятӣ дар муҳитро нобуд месозад.
Тазаккур бояд дод, ки бо дастуру супоришҳои Роҳбарияти мақомоти иҷроияи ҳокимияти давлатии шаҳри Кӯлоб минбаъд низ гузаронидани чунин корҳои безараргардонӣ мунтазам роҳандозӣ карда мешавад.
Бахши матбуотии МИҲД-и шаҳри Кӯлоб
dv id="«rn4»" " " ">"
Санаи 28 апрели соли 2025 дар толори мақомоти иҷрояи ҳокимияти давлатии шаҳри Кӯлоб ҷаласаи назди раиси шаҳри Кӯлоб Назарзода Бахтиёр Худоёр баргузор гардид.
Дар ҷаласа муовини якум, муовинони раиси шаҳр, роҳбари дастгоҳи раиси шаҳр, сардорони раёсатҳо, шуъбаҳо, бахшҳои дастгоҳи раис, роҳбарони воҳидҳои сохтории мақомоти иҷроияи ҳокимияти давлатии шаҳр, роҳбарони корхонаҳо, ташкилоту муассисаҳо, раисони ҷамоатҳои деҳот, муассисаҳои тандурустии шаҳр ва дигар фаъолон иштирок доштанд.
Дар ҷаласаи зикргардида масъалаҳои зерин баррасӣ карда шуданд:
1. Масъалаи ташкилӣ.
2. Оид ба иҷрои дастуру супоришҳои протоколии маҷлиси назоратии назди раиси шаҳр аз 14.04.2025
3. Оид ба рафти иҷрои қарори раиси шаҳри Кӯлоб №365 аз 14.05.2019 “Оид ба қарори Ҳукумати Ҷумҳурии Тоҷикистон оид ба паст кардани хавфи офатҳои табиӣ барои солҳои 2019-2030”;
4. Гузориши Раёсати омори шаҳр оид, ба ҳолати ҳисоботсупории субъектҳои хоҷагидорӣ дар шаҳру деҳот.
5. Масъалаҳои ҷорӣ.
Дар доираи масъалаи аввали рӯзномаи маҷлис раиси шаҳри Кӯлоб муҳтарам Назарзода Бахтиёр Худоёр иброз намуданд, ки дар ҳайати кадрии баъзе ташкилоту муассисаҳои шаҳрӣ тағйиротҳои кадрӣ ба амал омаданд. Бо пешниҳоди раиси шаҳр ва дар асоси розигии Кумитаи ҳифзи муҳити зисти назди Ҳукумати Ҷумҳурии Тоҷикистон аз 18 апрели соли 2025 Қурбонов Ҳикматулло ба мансаби сардори шуъбаи ҳифзи муҳити зисти шаҳри Кӯлоб, бо қарори раиси шаҳри Кӯлоб Шокиров Саидкарим-директори боғи фарҳангию фароғатии шаҳри Кӯлоб ба номи Мир Сайид Алии Ҳамадонӣ, Неъматзода Рустам Ҳаким-директори Муассисаи давлатии “Хоҷагии комуналӣ”-и назди МИҲД-и шаҳри Кӯлоб таъин карда шуданд.
Аз руйи масъалаи дуюми рӯзномаи маҷлис роҳбари дастгоҳи раиси шаҳри Кӯлоб Қурбонзода Наргис, аз руйи масъалаи сеюм сардори Ситоди ҳолатҳои фавқуллода ва мудофиаи граждании шаҳр Сайдаҳмадзода Бахтиёр, дар доираи масъалаи чоруми рӯзномаи маҷлис сардори Раёсат омори шаҳр Раҳмонзода Алимад суханронӣ намуда, масъалаҳои дар рӯзномаи маҷлис ҷойдоштаро мавриди баррасӣ ва натиҷагирӣ қарор доданд.
Ҳамчунин роҳбарияти шаҳр фаъолияти ҳамаи соҳаҳои рушди иҷтимоию иқтисодиро муҳокима намуда, аз шахсони масъул камбудиву норасоиҳои ҷойдоштаро пурсон шуда, ҷиҳати бартараф намудани камбудиҳо дастуру супориш ва тавсияҳои мушаххас доданд.
Бахши бойгонӣ-матбуотии МИҲД-и шаҳри Кӯлоб
dv id="«rn5»" ">"
Подкатегории
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
