Ҷавонони мо, ки дар фазои истиқлолу озодӣ, сулҳу субот ва ваҳдати миллӣ камол ёфтаанд, бояд Тоҷикистони соҳибистиқлол ва дастовардҳои онро чун неъмати бузургтарини миллати тоҷик ҳифз карда, бо кору амали созандаи худ Ватани маҳбуби хешро боз ҳам ободу пешрафта гардонанд.
Эмомалӣ Раҳмон
Ҳамасола 23 май дар саросари кишвар Рӯзи ҷавонони Тоҷикистон таҷлил мегардад. Дар боғи фарҳангӣ-фароғатии ба номи Мир Сайид Алии Ҳамадонии шаҳри Кӯлоб чорабинии идона ба муносибати рӯзи ҷавонони Тоҷикистон баргузор гардид.
Дар чорабини мазкур муовини раиси шаҳри Кӯлоб Даминзода Арафамо, намояндагони мақомоти ҳифзи ҳуқуқ, роҳбарони ташкилоту муассисаҳо, донишгоҳу донишкада, коллеҷу литсейҳо, гирандагони Стипендияи Президентӣ, фаъолон, ҷавонон ва сокинони шаҳр иштирок доштанд.
Нахуст меҳмонон аз намоиши дастовардҳои ҷавонон, ки дар даромадгоҳи боғи фарҳангӣ-фароғатии ба номи Мир Сайид Алии Ҳамадонии шаҳри Кӯлоб ба намоиш гузошта буд дидан намуданд.
Сипас муовини раиси шаҳри Кӯлоб Даминзода Арафамо аз номи мақомоти иҷроияи ҳокимияти давлатии шаҳри Кӯлоб ҳамаи ҷавонони Тоҷикистон бахусус ҷавонони Кӯлобшаҳри бостониро ба ин муносибат табрик намуда изҳор дошт, ки ҷавонон дар ҳама давру замон нерӯи пешбарандаи ҷомеа ба ҳисоб меравад ва мардуми шарафманди Тоҷикистон аз ҷумла насли ҷавон имрӯз зери сиёсати хирадмандонаву сулҳпарварона ва ҷавонпарваронаи Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон зиндагии осуда ва фаъолияти пурсамар бурда истодаанд.
Дар ин лаҳзаҳои хотирмон ба ҷавонони фаъоли ташкилоту муассисаҳои шаҳр Сипоснома ва туҳфаҳои хотиравии роҳбарияти мақомоти иҷроияи ҳокимияти давлатии шаҳри Кӯлоб тақдим карда шуд.
Дар хотима аҳли фарҳанги шаҳри Кӯлоб барномаи театрикунонидашудаи худро пешкаши меҳмонону ҷавонони чорабинӣ намуданд.
Бахши бойгонӣ-матбуотии МИҲД-и шаҳри Кӯлоб
dv id="«r5cg»" " " ">"
Ҳамасола дар кишвар тибқи Қонуни Ҷумҳурии Тоҷикистон "Дар бораи рӯзҳои ид", 23 май ҳамчун Рӯзи ҷавонон ҷашн гирифта мешавад. Ба ин муносибат тамоми ҷавонони шаҳру деҳоти Кӯлоб ва Тоҷикистони биҳиштосоро аз самими қалб табрику муборакбод гуфта, саломатии бардавом, рӯзгори хушу хуррам, иқболи нек ва дар фаъолияти садоқатмандонаатон баҳри ободиву пешрафти мамлакати офтобиамон комёбиҳои нав ба нав таманно дорам.
Маълум аст, ки муаллиф, ташаббускор ва муассиси ин ид, яъне ҳамчун Рӯзи ҷавонони Тоҷикистон ҷашн гирифта шудани 23-май, Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошанд. Зеро Пешвои муаззами миллат боварӣ ва итминон доранд, ки созандагони ин Ватан ҳамин қишри ҷомеа аст. Аз ҷумла сарвари мамлакат зикр намуданд: "Аксарияти аҳолии Тоҷикистонро ҷавонон ташкил медиҳанд, ки онҳо давомдиҳандаи кору фаъолияти насли калонсол, нерӯи созанда ва иқтидори воқеии пешрафти ҷомеа, хулоса ояндаи давлат ва миллат мебошанд".
Пешвои муаззами миллат аз лаҳзаҳои аввали ба сари қудрат омаданашон, масъалаҳои ҷавононро дар маркази сиёсати хеш қарор доданд. Фикри мазкурро он далел собит месозад, ки Ҷаноби Олӣ бо гузашти каме зиёда аз ду моҳ пас аз роҳбари давлат интихоб шуданашон, сарфи назар аз вазъи муташанниҷ кишвар, 2-феврали соли 1993 бо Ҷавонон вохӯрӣ анҷом доданд ва атрофи масъалаҳои рӯзмарраи давр сӯҳбат доир карда, ҳамаро ба сулҳу субот, ҳамдигарфаҳмӣ ва обод намудани Ватани маҳбубамон даъват намуданд. Минбаъд ин вохӯриҳо анъанавӣ гаштанд.
Бо дарки муҳимияти масъалаи тарбияи ҷавонон дар рӯҳияи худшиносиву худогоҳӣ, ватандорию ватанпарастӣ ва дастгирии давлатии онҳо, бо ташаббуси Ҷаноби Олӣ Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон" бори аввал соли 1992 ва дуюмбора соли 1994 дар таҳрири нав қабул ва мавриди амал қарор дода шуд.
Ҳамин тариқ дар замони соҳибистиқлолии кишвар нисбат ба қариб 70 фоизи аҳолии мамлакат-яъне ҷавонон-неруи созандаву бунёдкор, Тоҷикистон ҳимоятгари марзу бум роҳбарияти олии сиёсии мамлакаи таваҷҷуҳи хосса зоҳир намуда, барои баланд бардоштани мақоми ҷавонон дар ҷомеа, фароҳам сохтани шароити мусоид баҳри таълиму тарбияи онҳо, илму касбомӯзӣ, аз худ кардани техникаву технологияи ҳозиразамони иттилоотонӣ, забонҳои хориҷӣ тамоми шароитҳои мусоид фароҳам оварда шудаанд. Аз ҷумла муассисаҳои таълимии шаҳри Кӯлоб дар як муддати кӯтоҳ пурра бо компютер таъмин гаштанд. Ҳоло дар шаҳр 77 муассисаи таълимии соҳаи маориф, 1 Донишгоҳ, 1 Донишкада, 6 коллеҷ, 2 литсейи касбӣ-техникӣ, 1 маркази мустақили ҷавонон, 1 варзишгоҳи марказӣ, 185 майдончаҳои варзишии футбол ва дигар иншоотҳои инфрасохтори дар хизмати ҷавонон қарор дошта, бунёди чунин иншоот бо маром ҷараён дорад.
Хушбахтона ҷавонони босаодат ва бонангу номуси Тоҷикистони азиз низ бо шукргузорӣ аз ғамхориҳои беамсоли Сарвари хирадманду хирадсолори хеш, баҳри ободии диёр дар ҳама соҳаҳои ҳаёти давлат ва ҷомеа аҳлона заҳмат кашида истодаанд.
Ба ростӣ муносибати ҷавонони Кӯлобшаҳри бостонӣ ба иҷрои қарзи фарзандӣ, яъне хизмат дар сафи Қувваҳои Мусаллаҳи Ҷумҳурии Тоҷикистон бахусус даъвати тирамоҳии соли гузашта ва баҳории имсола боиси тааҷҷуб ва ифтихори ҳама сокинони ин шаҳри бостонӣ гардидааст. Онҳо бо як рӯҳияи баланди ватандорӣ, аксарият дар рӯзҳои аввали даъват ихтиёрӣ ба Комиссариати ҳарбии шаҳр ҳозир шуданд ва иҷрои нақша дар кӯтоҳтарин мӯҳлат таъмин гардид. Барои чунин ҳисси баланди масъулиятшиносиву ватанпарварӣ бо истифода аз фурсати муносиб, зарур медонам ба онҳо ҳазорон аҳсану офарин гӯям.
Дар охир мехоҳам ба ҷавонони Кӯлобшаҳри бостонӣ муроҷиат ва даъват ба амал орам, ки биёед шукри давлати ободу озодро кунем. Дар атрофи сиёсати созандаи Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон беш аз пеш муттаҳид бошем ва тамоми қувваю тавоноии худро барои гулгулшукуфии биҳишти рӯйи замин -Тоҷикистон равона карда, нагузорем, ки ягон қувваи бадхоҳ ваҳдату ягонагӣ ва сулҳи сартосарии моро халалдор созад.
Рӯзи ҷавонони кишварро бори дигар ба ҳама муборак мегӯям, ҳамдиёрони азиз!
БАРГУЗОРИИ АКСИЯИ ТОЗАГИИ СОҲИЛ ДАР ШАҲРИ КӮЛОБ БО ИШТИРОКИ ВАСЕИ ВОЛОНТИЁРОНУ ВАРЗИШГАРОН ВА КОРМАНДОНИ КАСБУ КОРИ ГУНОГУН ДАР СОЙИ ТЕБАЛАЙ
Дар ин лаҳзаҳои фараҳбахш ва барои ман пурифтихор, пеш аз ҳама тамоми ҷавонони саодатманди Ватани маҳбубамонро ба ифтихори «Рӯзи ҷавонони Тоҷикистон», ки ҳамасола санаи 23-юми Май таҷлил мегардад, самимона шодбош намуда, ба ҳар як ҷавони ватандӯсту хештаншинос бахту иқболи баланд ва ба Тоҷикистони азизамон сулҳу ваҳдати сартосариро таманно дорам.
Бо ба даст овардани Истиқлолияти давлатии Ҷумҳурии Тоҷикистон ва сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва талошҳои созандаашон баҳри таъмини амният ва зиндагии шоистаи ҳар як сокини кишвар мусоидати амиқ пайдо намуд.
Имрӯз Тоҷикистони тозаистиқлол бо ташаббусу роҳнамоиҳои Пешвои тоҷикони ҷаҳон ҳам дар дохил ва ҳам дар сатҳи ҷаҳонӣ мақоми бузургро касб намуда истодааст, ки ин аз фазои сулҳу оромии Ватани маҳбубамон гувоҳӣ медиҳад.
Воқеан, имрӯз мо ҷавонони Тоҷикистон аз он ифтихор дорем, ки дар як ватани тинҷу осуда ва зери сиёсати ҷавонпарваронаи Роҳбари одилу дурандеш, хирадсолору фарҳангсолор, раъяитпарвару ятимпарвар ва ташаббускори сатҳи ҷаҳонӣ муҳтарам Эмомалӣ Раҳмон зиндагӣ ва кору фаъолият дорем.
Тавре, ки дар баромадҳояшон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳор медоранд, ки «Ҷавонон бояд сабақҳои истиқлолиятро ҳаматарафа омӯзанд, аз сиёсати имрӯза огоҳ бошанд, таърихи гузаштаву ҳозираи халқи худро гаштаву баргашта варақ зананд ва аз Ватан, миллат, забон ва фарҳанги худ ифтихор намоянд».
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри баланд бардоштани нақши ҷавонон дар ҷомеа, муҳайё намудани шароити мусоид барои таълиму тарбия, касбу илмомӯзӣ, аз худ кардани забонҳои хориҷӣ ва монанди инҳо тадбирҳои муассир андешида, тамоми кушишҳои худро равона сохта истодааст. Таваҷҷуҳи махсус зоҳир намудани Роҳбарияти Олии кишвар ба масоили марбут ба сиёсати ҷавонон, ҳар як фарзанди бонангу номуси миллатро водор месозад, ки дар роҳи эъмори давлати демократӣ, ҳуқуқбунёд, дунявӣ ва ягонаи Тоҷикистон, рушди фарҳанги миллӣ, ҳифзи дастовардҳои истиқлолияти давлатӣ, арзишу муқаддасоти миллӣ, пойдории сулҳу суббот тамоми имкониятҳои ақлию зеҳнии худро равона созад. Бо дарназардошти саҳми беназири ҷавонон дар пиёда сохтани ҳадафҳои давлату Ҳукумати Ҷумуҳурии Тоҷикистон дар кишвар моҳи майи соли 1997 қарори Ҳукумати Ҷумҳурии Тоҷикистон доир ба таъсиси Кумитаи кор бо ҷавонони назди Ҳукумати Ҷумҳурии Тоҷикистон қабул гардида, санаи 23 май ҳамчун «Рӯзи ҷавонони Тоҷикистон» эълон карда шуд. Ҳамзамон бо иқдоми созандаи Пешвои муаззами миллат муҳтарам Эмомалӣ Раҳмон дар Ҷумуҳурии Тоҷикистон соли 2017 «Соли ҷавонон» эълон гардид, ки ин боиси ифтихори ҳар як ҷавони саодатманди кишвар мебошад. Ин иқдоми созанда, дар татбиқи сиёсати давлатӣ оид ба дастгирии ҷавонон нақши назаррас гузошт. Ин ташаббуси наҷибона, барои боло рафтани ҳисси ватандӯстӣ, ташаккули тафаккури ҷавонон оид ба масъалаҳои ифтихори миллӣ ва худогоҳиву худшиносӣ такони ҷиддӣ бахшид.
Имрӯз мо ҷавонони хуштолеъи замони соҳибистиқлолӣ истиқбол аз тамоми ташаббусҳои роҳнамунсози Пешвои тоҷикони ҷаҳон дар арсаи байналмилалӣ муҳтарам Эмомалӣ Раҳмон дорем ва аз ин ифтихор мекунем.
Воқеан, Тоҷикистон кишвари ҷавон ҳаст ва 70 фоизи аҳолиро ҷавонони то сини 30 сола ташкил медиҳад. Имрӯз бо пуштибони аз сиёсати ҷавонпарваронаи Пешвои муаззами миллат муҳтарам Эмомалӣ Раҳмон ҷавонони имрӯза дар тамоми сохторҳои давлатию ҷамъиятӣ ҳамчун як ҷавони ҷаҳондида, донишманд ва пешоҳанги ҷомеа кору фаъолият дошта, дар пешбурди ҳаёти иқтисодию иҷтимоии ватанамон саҳми худро гузошта истоаанд.
Маврид ба зикр аст, ки ман имрӯз бо як рӯҳияи баланди ватандӯстӣ ва ифтихори ватнадорӣ дар мақомоти иҷроияи ҳокимияти давлатии шаҳри Кӯлоб зери роҳнамоиҳои роҳбарияти мақомоти иҷроияи ҳокимияти давлатии шаҳри Кӯлоб хосатан раиси шаҳр муҳтарам Назарзода Бахтиёр Худоёр фаъолият дорам, ки ин барои ман мояи ифтихор ва сарфарозист. Зеро, ки роҳбарияти шаҳр дар ҳар як суханашон нисбати ватану ватандорӣ, хизматҳои шабонарӯзии Пешвои миллат муҳтарам Эмомалӣ Раҳмон, дастовардҳои замони соҳибистиқлолӣ, эҳтироми якдигар, аз ҷумла калонсолон, эҳтиром ба муқаддасоти миллӣ ва дигар арзишҳои миллӣ таъкид менамоянд, ки ин яке аз хислатҳои неки инсонӣ ба ҳисоб меравад. Ҳамзамон бо пуштибонӣ аз сиёсати ҷавонправарона, талошу заҳматҳо, дастгириҳои ҳамешагии абармарди арсаи сиёсати сатҳи ҷаҳонӣ муҳтарам Эмомалӣ Раҳмон имрӯзҳо ҷавонони мо дар тамоми самтҳои гуногуни мамлакат баҳри татбиқ намудани сиёсати давлату Ҳукумати Ҷумҳурии Тоҷикистон содиқонаву софдилона хизмат карда истодаанд.
Имрӯз ҷавонони мо бо иродаи қавӣ, дониши баланд, маҳорати касбӣ, ташаббускориву навоварӣ дар дохил ва хориҷи кишвар дастболо гардида, Парчами давлатии Ҷумҳурии Тоҷикистонро баланд мебардоранд, ки аз доштани ҳисси баланди худшиносию ифтихори ватандорӣ шаҳодат медиҳад.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои аз худ кардани донишу малака беҳтарин шароитҳои мусоиди таълиму тарбия, ташкил намудани озмӯнҳои фаннӣ, дар баробари ин роҳандозӣ намудани озмӯнҳои ҷумҳуриявӣ, аз ҷумла «Фурӯғи субҳи доноӣ китоб аст», «Илм фурӯғи маърифат», «Тоҷикистон ватани азизи ман» ва дигар озмӯнҳоро барои боз ҳам баланд бардоштани сатҳи ҷаҳонбинии ҷавонон ва насли ояндаи миллат эълон намудаанд, ки ин метавонад дар оянда чеҳраҳои мондагорро тарбия намоянд.
Воқеан, имрӯз ҳар як соҳибватан аз тоҷик буданаш ифтихор менамояд, зеро чунин роҳбари хирадманду одил ва дурандеш дорем, ки ҳастии худро барои бунёди як давлати мутамаддин бо номи давлати соҳибистиқлоли Тоҷикистон аз сари нав бунёд намуд, истиқлоли воқеиро ба даст оварда, мардумро муттаҳид кард, шуълаи умедбахши зиндагиро барои ҳар як сокини кишвар расонид, модаронро дар оғӯш гирифт, насли созандаро чун падар роҳнамоӣ кард, ба дилҳо нуру зиёро овард, яъне дубора миллат сохт, ки имрӯз ин миллат дар арсаи ҷаҳонӣ дар симои абармарди арсаи сатҳи ҷаҳонӣ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шинохта шуд.
Мо ҷавонон имрӯз Шуморо Пешвои муаззами миллат муҳтарам Эмомалӣ Раҳмон дӯст медорем, имрӯз бо шарофати Шумо ва сиёсати ҷавонпарваронаи Шумо дар Тоҷикистон «Рӯзи ҷавонони Тоҷикистон» бо шукӯҳу шаҳомати хоса таҷлил мегардад ва мо дар фазои сулҳу оромии Ватани маҳбубамон чун фарзандони ин диёри бостонӣ болу пар мекушоем.
Бо ҳамин ниятҳои нек, бори дигар ҳамаи Шумо ҷавонони саодатманди Ватанро бахшида ба «Рӯзи ҷавонони ҷавонони Тоҷикистон» табрик намуда, ба Шумоён иқболи баланд ва муваффақиятҳои беназирро таманно дорам.
Вализода Султонҷон Ёқуб – мудири бахши бойгонӣ - матбуотии мақомоти иҷроияи ҳокимияти давлатии шаҳри Кӯлоб, аъзои Ҳизби Халқии Демократии Тоҷикистон
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
