Имрӯз дар доираи дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, раиси вилояти Хатлон Давлаталӣ Саид ва нақшаи чорабиниҳои мақомоти иҷроияи ҳокимияти давлатии шаҳри Кӯлоб, ҷиҳати дар сатҳи баланди ташкилию сиёсӣ истиқбол намудани 35-солагии Истиқлолияти давлатии Ҷумҳурии Тоҷикистон дар деҳаи Кули Ҷамоати деҳоти Даҳанаи шаҳри Кӯлоб бо ҷалби шарикони рушд, аз ҷумла Бунёди миллии иҷтимоии маблағгузории Тоҷикистон дар доираи "Лоиҳаи таҳкими устувории иҷтимоӣ-иқтисодӣ" Бунгоҳи тиббӣ дар вазъияти тантанавӣ бо иштироки Роҳбари Гурӯҳи корӣ дар шаҳри Кӯлоб Вазири нақлиёти Ҷумҳурии Тоҷикистон Азим Иброҳим, раиси шаҳри Кӯлоб Назарзода Бахтиёр Худоёр ва дигар меҳмонон мавриди баҳрабардорӣ қарор дода шуд.
Зимни ба истифода додани Бунгоҳи тиббӣ Роҳбари Гурӯҳи корӣ дар шаҳри Кӯлоб Вазири нақлиёти Ҷумҳурии Тоҷикистон Азим Иброҳим аз сиёсати имрӯзаи давлату Ҳукумати Ҷумҳурии Тоҷикистон ва дастгириҳои ҳамешагии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар гардида, изҳор доштанд, ки дар замони соҳибистиқлолии кишвар дар тамоми соҳаҳои гуногуни ҷомеа пешравиҳо дида мешавад, ки ин аз фазои сулҳу оромӣ сарчашма мегирад.
Тавре, ки мову шумо шоҳид шудем, бо дастгирии Пешвои муаззами миллат муҳтарам Эмомалӣ Раҳмон ва шарикони рушд дар доираи таҷлил аз ҷашни 35-солагии Истиқлолияти давлатии Ҷумҳурии Тоҷикистон барои сокинони деҳаи Кул ва кормандони соҳаи тибб Бунгоҳи тиббии замонавӣ бо тамоми шароитҳои муосир фароҳам оварда шудааст, ки ҳар як табиб метавонад пеш аз ҳама бо дилу нияти пок ба мардум хизмати софдилонаи таббӣ расонад.
Имрӯзҳо дар шаҳру деҳоти Кӯлоб дар ҳама соҳаҳо дигаргуниҳои куллӣ сурат гирифта истодаанд, ки ин барои боз ҳам беҳтар шудани сатҳи зиндагии мардум ва расидан ба ҳадафҳои стратегии кишварамон мусоидат менамоянд.
Дар идома раиси шаҳри Кӯлоб Назарзода Бахтиёр Худоёр бо изҳору сипос аз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Роҳбари Гурӯҳи корӣ дар шаҳри Кӯлоб Вазири нақлиёти Ҷумҳурии Тоҷикистон Азим Иброҳим ва раиси вилояти Хатлон Давлаталӣ Саид ҷиҳати дастгириҳои ҳамаҷониба баҳри татбиқ намудани сиёсати созандаву бунёдкоронаи Пешвои муаззами миллат муҳтарам Эмомалӣ Раҳмон дар шаҳри Кӯлоб миннатдории худро баён намуданд ва таъкид доштанд, ки мардуми сарбаланду муваффақи шаҳри Кӯлоб тамоми дастуру супоришҳои мушаххаси Пешвои муаззами миллатро сармашқи фаъолияти худ қарор дода, дар оянда низ баҳри боз ҳам обод намудани ҳар як гӯшаи Ватанамон, аз ҷумла шаҳру деҳоти Кӯлоб чораҳои дахлдор андешида, содиқонаву софдилона хизмат менамоянд ва ҷашни муқаддаси миллиамон 35-солагии Истиқлолияти давлатии Ҷумҳурии Тоҷикистонро дар сатҳи баланди ташкилию сиёсӣ истиқбол менамоянд.
Ҳамзамон, роҳбарият ва кормандони Бунгоҳи тиббӣ миннатдории худро ҷиҳати сохта ба истифода додани иншооти зарурӣ ва ин ҳам дар деҳаи Кул, ки барои истиқоматкунандагони ин ҷо саривақтӣ мебошад, ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон расониданд ва изҳор намуданд, ки мо талош менамоем, ки ба мардум хизмати тиббӣ расонда, содиқонаву софдилона хизмат намоем.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Санаи 26.11.2024 Сарвазири мамлакат Қоҳир Расулзода, раиси вилояти Хатлон Давлаталӣ Саид, Роҳбари Гурӯҳи корӣ дар шаҳри Кӯлоб Вазири нақлиёти Ҷумҳурии Тоҷикистон Азим Иброҳим, Вазири маориф ва илми Ҷумҳурии Тоҷикистон Раҳим Саидзода ва раиси шаҳри Кӯлоб Назарзода Бахтиёр Худоёр дар деҳаи Тудакафши Ҷамоати деҳоти Кӯлоб бинои иловагии муассисаи таҳсилоти миёнаи умумии №49-ро мавриди баҳрабардорӣ қарор доданд.
Иншоот дар доираи тадбирҳои созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон дар заминаи ҳамкориҳо бо шарикони рушд сохта шудааст.
Бинои иловагии муассисаи таълимӣ дуошёна буда, барои 384 хонанда дар ду баст пешбинӣ гардидааст.
Муассисаи замонавии таълимӣ аз 8 синфхонаи барҳаво, аз ҷумла кабинетҳои фаннии химия, физика, математика, синфхонаҳои технологияи таълими меҳнат барои писарон ва духтарон, синфхонаҳои компютерӣ, китобхонаву толори барҳавои хониш, ҳуҷраҳои корӣ барои омӯзгорон ва дигар иншооти ёрирасон иборат мебошад.
Сохтмони бино дар заминаи амалишавии Лоиҳаи «Дастгирии татбиқи Стратегияи миллии рушди маориф" аз ҷониби Гурӯҳи татбиқи лоиҳаи “Таҷдид ва идомаи сохтмони мактабҳои миёна" бо маблағи 5,3 миллион сомонӣ бунёд карда шудааст.
Сарвазири мамлакат Қоҳир Расулзода бо шароити фароҳамовардашуда дар даргоҳи нави илму маърифат шинос шуда, бо омӯзгорону хонандагони муассиса суҳбати самимӣ анҷом доданд.
Таъкид гардид, ки дар шароити имрӯз донистани забонҳои хориҷӣ шарт ва зарур буда, дар беҳсозии шароити зиндагии мо нақши муассир дорад ва рисолати аслии омӯзгорон дар рӯҳияи ватандӯстиву ифтихори миллӣ ва забономӯзӣ тарбия намудани насли наврас мебошад.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Дар идомаи сафари корӣ Сарвазири мамлакат Қоҳир Расулзода, раиси вилояти Хатлон Давлаталӣ Саид, Роҳбари Гурӯҳи корӣ дар шаҳри Кӯлоб Вазири нақлиёти Ҷумҳурии Тоҷикистон Азим Иброҳим, Вазири маориф ва илми Ҷумҳурии Тоҷикистон Раҳим Саидзода ва раиси шаҳри Кӯлоб Назарзода Бахтиёр Худоёр дар маҳаллаи Сайдалӣ Вализодаи шаҳри Кӯлоб бинои иловагии муассисаи таҳсилоти миёнаи умумии №41-ро, ки ҳануз соли 2006 таъсис ёфта буд, мавриди истифодабарӣ қарор доданд.
Бо ба истифода додани бинои иловагии муассисаи мазкур хонандагон бо шароити мусоиди таълимӣ фаро гирифта шуданд.
Иттилоъ дода шуд, ки синфхонаҳои иловагӣ барои 96 ҷойи нишаст дар назди филиали муассисаи таҳсилоти миёнаи умумии №41 аз ҷониби падару модарон ба маблағи умумии 990 ҳазор сомонӣ бунёд гардида, иншооти мазкур аз як ошёна иборат буда дорои 4-синфхона мебошад.
Лоиҳаи иншоот аз ҷониби КФ КВД “Лоиҳакаш”-и шаҳри Кӯлоб таҳия гардидааст.
Дар муассисаи мазкур 400-хонанда ба таҳсил фаро гирифта шуда, 24-нафар омӯзгорони соҳибтаҷриба кору фаъолият мекунанд.
Ҳамзамон дар муассисаи таълимии №41-и шаҳри Кӯлоб барномаи Е хониш ба намоиш гузошта шуда, дар бораи фаъолияти таҷрибавӣ маълумот доданд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Дар таърихи 24.11.2024 дар саҳни бинои мақомоти иҷроияи ҳокимияти давлатии шаҳри Кӯлоб маросими истиқбол ва қадршиносии ғолибони озмуни ҷумҳуриявии “Фурӯғи субҳи доноӣ китоб аст” дар ҳошияи таҷлили Рӯзи Парчами давлатии Ҷумуҳрии Тоҷикистон дар шаҳри Кӯлоб баргузор гардид.
Ғолибонро раиси шаҳри Кӯлоб Назарзода Бахтиёр Худоёр, ректори Донишгоҳи давлатии Кӯлоб ба номи Абуабдуллоҳи Рӯдакӣ, доктори илмҳои ҳуқуқшиносӣ, профессор Раҳмон Дилшод Сафарбек, ҳайати омӯзгорону донишҷӯёни донишгоҳ ва дигар меҳмонон дар вазъияти тантанавӣ бо як шукуҳу шаҳомати хоса бо гулу гулдастаҳо истиқбол намуданд.
Бахши бойгонӣ-матбуотии мақомоти иҷроияи ҳокимияти давлатии шаҳри Кӯлоб
Шабакаҳои иҷтимоӣ
30-солагии Истиқлоли давлатии Ҷумҳурии Тоҷикистон
