Дар толори мақомоти иҷроияи ҳокимияти давлатии шаҳри Кӯлоб бо иштироки раиси шаҳр Назарзода Бахтиёр Худоёр бо кормандони соҳаи маориф ва тандурустӣ ҷаласаи машваратӣ баргузор карда шуд.

Нахуст гузориши муовини раиси шаҳри Кӯлоб Даминзода Арафамо оиди камбудиҳои дар соҳаи маориф ва тандурустӣ ҷой дошта шунида шуд.

Раиси шаҳри Кӯлоб Назарзода Бахтиёр Худоёр ба ҳамаи масъулин ҷиҳати иҷрои саривақтии дастуру супоришҳои Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва раиси вилояти Хатлон Давлаталӣ Саид, нақша-чорабиниҳои мақомоти иҷроияи ҳокимияти давлатии шаҳри Кӯлоб, иҷрои уҳдадориҳои мансабӣ, иштироки фаъолонаи роҳбарони ташкилоту муассисаҳо дастуру супориш ва тавсияҳои мушаххас доданд. Ҳамзамон ҷиҳати дар сатҳи баланди ташкилӣ баргузор намудани таътили тобистонаи хонандагон ва фарогирии онҳо ба лагерҳои истироҳатӣ ба масъулин корҳои фаҳмондадиҳӣ гузаронида шуд.

Бахши бойгонӣ-матбуотии МИҲД-и шаҳри Кӯлоб