Эълонҳо

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ КУЛОБ

БАРОИ ИШҒОЛИ МАНСАБҲОИ ХОЛИИ МАЪМУРИИ ЗЕРИН

ОЗМУН ЭЪЛОН МЕНАМОЯД:

  1. Сармутахассиси Раёсати кишоварзии мақомоти иҷроияи ҳокимияти давлатии шаҳри Кӯлоб - 1 ҷой (категорияи панҷум), маоши мансабӣ - 1357 сомонӣ;
  2. Сармутахассиси шуъбаи иқтисод ва савдои мақомоти иҷроияи ҳокимияти давлатии шаҳри Кӯлоб - 1 ҷой (категорияи ҳафтум), маоши мансабӣ - 1357 сомонӣ;
  3. Мутахассиси шуъбаи меъморӣ ва шаҳрсозии мақомоти иҷроияи ҳокимияти давлатии шаҳри Кӯлоб - 1 ҷой (категорияи ҳафтум), маоши мансабӣ - 913 сомонӣ;
  4. Сармутахассис - сармуҳосиби Ҷамоати деҳоти Кӯлоб - 1 ҷой (категорияи панҷум), маоши мансабӣ – 1236 сомонӣ;
  5. Сармутахассис (муҳандис-заминсоз)-и Ҷамоати деҳоти Кӯлоб - 1 ҷой (категорияи панҷум), маоши мансабӣ – 1236 сомонӣ;
  6. Сармутахассис (муҳандис-заминсоз)-и Ҷамоати деҳоти Зарбдор - 1 ҷой (категорияи панҷум), маоши мансабӣ – 1236 сомонӣ;
  7. Сармутахассиси дин, танзими анъана ва ҷашну маросими Ҷамоати деҳоти Зарбдор - 1 ҷой (категорияи панҷум), маоши мансабӣ – 1236 сомонӣ;
  8. Сармутахассис оид ба соҳаи омори Ҷамоати деҳоти Зиракӣ – 1 ҷой (категорияи панҷум), маоши мансабӣ – 1236 сомонӣ;
  9. Мутахассиси пешбари нозири мизи ҳарбии Ҷамоати деҳоти Зарбдор

- 1 ҷой (категорияи шашум), маоши мансабӣ – 1062 сомонӣ;

  1. Мутахассиси пешбари нозири мизи ҳарбии Ҷамоати деҳоти Кӯлоб

- 1 ҷой (категорияи шашум), маоши мансабӣ – 1062 сомонӣ;

  1. Мутахассиси пешбари нозири мизи ҳарбии Ҷамоати деҳоти Зиракӣ - 1 ҷой (категорияи шашум), маоши мансабӣ – 1062  сомонӣ;
  2. Мутахассиси пешбари нозири мизи ҳарбии Ҷамоати деҳоти Даҳана - 1 ҷой (категорияи шашум), маоши мансабӣ – 1062 сомонӣ;
  3. Мутахассиси пешбар оид ба соҳаи андози Ҷамоати деҳоти Кӯлоб

- 1 ҷой (категорияи шашум), маоши мансабӣ – 1062 сомонӣ;

  1. Мутахассиси пешбар оид ба соҳаи кишоварзии Ҷамоати деҳоти Даҳана - 1 ҷой (категорияи шашум), маоши мансабӣ – 1062 сомонӣ;

                                         Барои иштирок дар озмун

ҳуҷҷатҳои пешниҳодшаванда:

- ариза ба унвони Раиси шаҳр;

- варақаи шахсии баҳисобгирии кадрҳо (бо 2 дона акси андозаи 4х6);

- тарҷумаи ҳол;

- нусхаи ҳуҷҷатҳо дар бораи таҳсилот;

- нусхаи дафтарчаи меҳнатӣ (ба ғайр аз ҳолатҳое, ки шахс собиқаи меҳнатӣ

  надорад);

- маълумотнома оид ба вазъи саломатии шакли 0,38УЕ;

- нусхаи рақами мушаххаси андозсупоранда (ИНН);

- маълумотнома дар бораи даромад ва вазъи молу мулк;

- нусхаи шиноснома;

- маълумотнома дар бораи надоштани доѓи судӣ;

- нусхаи билети ҳарбӣ (барои шахсоне, ки хизмати ҳарбиро адо намудаанд).

Талаботи тахассусӣ барои

ишғоли мансаби сармутахассис

-таҳсилоти олии касбӣ, ихтисоси ба мансаби ишѓолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;

-2 сол собиқаи хизмати давлатӣ ё 3 сол собиқаи умумии меҳнатӣ;

-малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ.

-малакаи кор бо компютер.

Талаботи тахассусӣ барои

ишғоли мансаби мутахассиси пешбар

- таҳсилоти олии касбӣ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад.

-малакаи кор бо компютер.

 

Талаботи тахассусӣ барои

ишғоли мансаби мутахассис

         - таҳсилоти олии касбӣ ё миёнаи касбӣ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад.

-малакаи кор бо компютер.

       Суроға ва мӯҳлати қабули ҳуҷҷатҳо

Мақомоти иҷроияи ҳокимияти давлатии шаҳри Кӯлоб

Телефон: (8-33-22)  2-29-06, 2-28-26, шуъбаи ташкилӣ ва кор бо кадрҳои дастгоҳи раиси шаҳри Кӯлоб;

Қабули ҳуҷҷатҳо тибқи эълони озмун 21 рӯз аз рӯзи нашрияҳои расмӣ.

Баррасии ҳуҷҷатҳо 1 ҳафта баъд аз 21 рӯзи қабули ҳуҷҷатҳо

Эзоҳ: Иловапулӣ ба маоши мансабӣ барои собиқаи хизмати давлатӣ ҳар моҳ ба андозаи муқарраргардида пардохт карда мешавад.

                                                                                                   

Эълонҳо

 

 

                                                          ЭЪЛОН

                                                      20.10.2022с

                           Мақомоти иҷроияи ҳокимияти давлатии шаҳри Кӯлоб бо мақсади сазовор таҷлил намудани ҷашни 35-солагии Истиқлолияти                                                          Ҷумҳурии Тоҷикистон, тибқи қарори раиси вилояти Хатлон аз 26-июли соли 2022, №228 ва қарори раиси шаҳри Кӯлоб аз 8 августи                               соли 2022 “Дар бораи гузаронидани озмуни шаҳри оид ба муайян намудани хона, оила, кадбону, деҳа, маҳалла ва деҳоти                                             беҳтарин” Озмуни шаҳрӣ эълон менамояд. Ба озмуни мазкур тамоми иашкилоту муассисахо ва сокинони шахру дехоти Кулоб                                     метавонанд хунари волои хешро пешниход намоянд.

Эълонҳо

Бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба таъмини талаботи аҳолии кишвар бо ангишт дар давраи зимистони солҳои 2022-2023, инчунин ҷиҳати ба танзим даровардани нархи ин намудани маводи сӯхт дар бозори истеъмолӣ аз ҷониби Вазорати саноат ва технологияи нави Ҷумҳурии Тоҷикистон дар ҳаҷми 200 тонна ангишти хушсифати ватанӣ тариқи 6 нақлиёти боркаш ба шаҳри Кӯлоб ворид карда шуд.
Ҳоло фуруши ангишт бо нархи хело арзон –як килограм 70 дирам дар ҳудуди мошинбозори шаҳри Кӯлоб оғоз гардид. Бояд гуфт, ки ярмаркаи фурӯши маҳсулоти мазкур санаи 29-30 октябри соли равон идома меёбад.
Эълонҳо

 
Сокинони шарафманди шаҳри Кӯлоб,
Барои ҳар яки мо боиси ифтихору сарбаландист, ки бо шарофати сиёсати бунёдкоронаву халқпарваронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шаҳри Кӯлоб ба ҷабҳаи бузурги созандагӣ табдил ёфта, рӯз аз рӯз ободу зеботар гашта истодааст.
Ҷавобан ба ин ҳама ғамхориҳои падарона мо хурду бузурги шаҳри Кӯлоб ҳамеша дар сиёсати Пешвои муаззами миллат ва давлату ҳукумат устувор будем, ҳастем ва оянда низ хоҳем монд.
Мо бо камоли масъулият фидокориҳои Пешвои муаззами миллатро дар роҳи барқарорсозии ҳукумати конститутсионӣ ва наҷоти давлату миллат ва заҳматҳои шабонарӯзиашонро баҳри ободии Ватан бараъло дарк намуда, бо тамоми ҳастӣ худро баҳри рушду шукӯфоии диёр ва ҳифзи арзишҳои давлатдории миллӣ масъул меҳисобем.
Ҳамдиёрони гиромӣ,
Ҳамчунон, ки воқиф ҳастед, рӯзҳои наздик ба шаҳри Кӯлоб ташрифи меҳмонони олиқадр дар назар аст. Дар хотир дорем, ки ҳамаи сафарҳои Пешвои муаззами миллат, Президенти Ҷумҳурии Тоҷикистон ба шаҳри Кӯлоб файзбор ҳастанд. Зеро ҳар як сокини шаҳр бо огоҳ шудан аз сафарҳои навбатии Роҳбари давлат дар вуҷуди худ як нерӯи фавқулодда ва масъулияти бузургеро баҳри анҷоми корҳои созандагиву бунёдкорӣ эҳсос менамояд.
Мо бояд ин нерӯи адонашаванда ва масъулияти бузурги ватансозиро аз ободнамоии бому дари хонаву ҳавлӣ, дохил ва атрофи кӯчаву маҳалла, деҳот, корхона, ташкилоту муассиса ва дар маҷмуъ ба таври мусбӣ дигаргун ва замонавӣ сохтани шаҳри азизамон сафарбар намоем. Нишондиҳандаҳои истеҳсолии шаҳрро баланд бардошта, дар рушди соҳаҳои хоҷагии халқ саҳмгузор бошем. Ҳар як ваҷаб замини киштро самаранок истифода барем.
Мардуми бонагу номуси Кӯлоб Пешвои муаззами миллатро борҳо бо дастовардҳои арзандаи меҳнатӣ ва чеҳраҳои кушодаву пурмеҳр пешвоз гирифта буданд ва ин бор ҳам аз пештара дида бештар бо меҳру садоқати беандоза Пешвои маҳбубамонро истиқбол мегирем.
Дар ин росто, моҳи ноябри соли равон аз баргузории Иҷлосияи 16-уми Шӯрои Олии Ҷумҳурии Тоҷикистон 30 сол пур мешавад. Ин Иҷлосия, ки миёни мардум ҳамчун “Иҷлосияи тақдирсоз” ном бурда мешавад, воқеан ҳам дар сарнавишти миллати тоҷик гардиши таърихӣ ва дигаргунии куллиро ба вуҷуд овард. Зеро то баргузории ин Иҷлосия алангаи оташи ҷанги шаҳрвандӣ саросари кишварро сӯзонда миллати тоҷикро ба нестӣ бурда истода буд. Ҳазорон нафар қурбон ва беш аз як миллион нафар овораву саргардон дар мулки бегона муҳоҷири иҷборӣ шуда буданд. Агар пеши роҳи ҷанги шаҳрвандӣ гирифта намешуд, яқин Тоҷикистон пора-пора ва ҳамчун кишвари мустақил аз харитаи сиёсии ҷаҳон нест мегашт. Дар Иҷлосияи 16-ум вакилон манфиатҳои қавмӣ, гурӯҳӣ ва маҳаллиро як сӯ гузошта, андеша ва таклифу пешниҳодҳои созандаро дар роҳи ба даст овардани сулҳу субот қабул карда, Эмомалӣ Раҳмонро раиси Шӯрои Олӣ интихоб намуданд. Муҳтарам Эмомалӣ Раҳмон дар навбати худ ҳамчун як абармарди дунёи сиёсат собит карданд, ки дар марҳилаи муаяйни таърихӣ нақши шахсият дар ҳалли буҳронҳои амиқи сиёсӣ, иқтисодӣ ва ташкилӣ чи қадар метавонад бузург бошад. Аз лаҳзаҳои аввали ба ин мансаби Олӣ интихоб шуданашон эълон карданд, ки “Ман ба Шумо сулҳ меорам!” ва дар роҳи расидан ба ин мақсад чи ҷонбозиҳое накарданд. Аз ин рӯ, бо боварӣ метавон гуфт, ки сулҳу ваҳдат дар Тоҷикистон аз Иҷлосияи 16-уми Шӯрои Олӣ сарчашма мегирад ва ба он алоқаи ногусастанӣ дорад. Бинобар ин, 30-юмин солгардаш барои тамоми мардуми Тоҷикистон санаи муқаддас аст ва бояд дар сатҳи баланди ташкилӣ, сиёсӣ ва фарҳангӣ таҷлил карда шавад. Албатта, ин санаи таърихиро бо туҳфаҳои арзандаи меҳнатӣ пешвоз гирифтан вазифаи ҳар як шаҳрванди кишвар, хусусан сокинони шаҳру деҳоти Кӯлоб мебошад.
Набояд фаромӯш созем, ки то ҳанӯз бадхоҳони миллату давлати мо баҳри ноором сохтани авзои сиёсиву амниятии кишвар талош намуда истодаанд. Гурӯҳҳои экстремистиву террористӣ кӯшиш намуда истодаанд ҷавонони моро ба доми худ кашида, ҳисси худшиносии миллиро аз вуҷудашон берун созанд. Аммо ҳодисаҳои охир дар марзи кишвар дубора исбот намуд, ки миллати бонангу номуси тоҷик дар сиёсати созандаи Пешвои муаззами миллат устувор ҳастанд. Мо сокинони шаҳри бостонии Кӯлоб низ дар ин арсаи нанг садоқату шуҷоати фарзандони диловари худро дар ҳифзи марзи Ватан бо чашми сар дидем. Бо назардошти ин, чун аз 1-уми октябри соли равон даъвати тирамоҳии ҷавонон ба сафи Қувваҳои мусаллаҳи Ҷумҳурии Тоҷикистон оғоз мегардад, дар шароити мураккаб шудани авзои сиёсии ҷомеаи ҷаҳонӣ ва марзи давлатӣ даъвати имсолаи ҷавонон ҳамчун Даъвати ору номус қабул карда мешавад, ки рамзи асолату ватандӯстии ҳар як ҷавонмарди соҳибватан аст. Боварӣ дорем, ки ҷавонони далери шаҳри Кӯлоб баҳри ҳимояи марзи Ватан дар муҳлати муқарраршуда ба нуқтаи даъватии Комиссариати ҳарбӣ ҳозир шуда, исбот мекунанд, ки дар ҳақиқат шаҳри Кӯлоб макони шермардони ҷасур ва такягоҳи асосии мудофиавии Тоҷикистони соҳибистиқлол мебошад.
Бо ин ниятҳои нек ба ҳар як сокини шарафманди шаҳри Кӯлоб муроҷиат менамоем, ки:
Биёед аз гузаштаи таърихӣ ибрат гирифта, баҳри рушди босуботи Тоҷикистони соҳибистиқлол талоши бештар намоем,
Биёед баҳри тарбияи фарзандонамон дар рӯҳияи ватандӯстӣ ва худшиносии миллӣ бо ҳисси масъулияти баланди шаҳрвандӣ саҳми бештар гузорем,
Биёед ҳамчун пайравони воқеии Пешвои муаззами миллат муҳтарам Эмомалӣ Раҳмон ватанамонро аз ҳарвақта дида бештар дӯст дорем ва шабонарӯзӣ меҳнат карда, шаҳри Кӯлобро, ки маркази фарҳангу маънавиёти кӯҳанбунёди миллат ба ҳисоб меравад, боз ҳам ободу зеботар гардонем.

Сахифаи 5 аз 8

Ҷустуҷӯ

Шабакаҳои иҷтимоӣ

facebook instagram youtube

30-солагии Истиқлоли давлатии Ҷумҳурии Тоҷикистон

nar rem nar rem nar rem nar rem nar rem nar rem nar rem nar rem nar rem nar rem

Ҷумҳурии Тоҷикистон, вилояти Хатлон, ш. Кӯлоб, хиёбони И. Сомонӣ №36 Адрес электронной почты защищен от спам-ботов. Для просмотра адреса в браузере должен быть включен Javascript.
TPL_BACKTOTOP